فز الخفوق وقلت يالله عسى حير=اثر الليالي عاد غايب قمرها

فز الخفوق وقلت يالله عسى حير=اثر الليالي عاد غايب قمرها
مع شوفته نشوه وفزه وتخدير=وعيون خلان تعانق نظرها
يفز قلبي كما فزة الطير = والرجل كن اللي تحتها غدرها
ياصبح عمري ياصباح التباشير=نوره ملا قلبي وروحي غمرها
عقب الفراق اللي تعدى المحاذير =يبس غصون القلب جافي دهرها
ربع بقلبي عقب ماهي مخاسير =سحابة هلت بقلبي مطرها
واسقى بها زرعه هوانا بتقدير =غرسة غرام بالمحبه بذرها
ياعذلين العين والله مخاسير =واللي درى عن حاال عيني عذرها
تشوم عيني عن جميع الغنادير =وان ناظرت عيني فؤادي نهرها
ياناس احبه والمحبه مقادير =هذا هوى نفسي وهذا قدرها
والحب ماله ياهل الحب تفسير =قلبين والله بالمحبه امرها
لى جيت اصور حالة الحب تصوير =وارد عن حالي لخلي خبرها
لقيت وجدي فوق كل التعابير =كل الشعر قطره وشووقي بحرها

صح لسانك يا عسل

ѕωєєт яσσ∂є.